Eusi Bar chasch miete!
Eusi Bar
chasch miete!
Egal ob für en private oder gschäftliche Alass, eusi BOB-Bier-Bar isch immer en Blickfang. Während dem hinter de Bar us eim vo de beide Zapfhähne feins BOB zapft wird, chönd dini Gäscht uf de Barhocker in Form vo Chronkorke gmüetlich verwiile. Die passendi Hintergrundmusik chunt us de Soundalag wo unter de Stehbar uf em Gepäckträger montiert isch.
De Transport vo de Bar zum Event und wieder retour organisiered mir für dich, natürlich wür au eine vo eus drü Brauer gern für dich hinter de Bar stah und dini Gäscht verwöhne.
Kontaktier eus ganz eifach über euses Kontaktformular, falls du interesse a eusere Bar hesch. Mir nämed umgehend Kontakt mit dir uf und mached dir es Agebot.
Demit dänn au das Bier dur de Hahne lauft, wo du dir wünschisch, bruchemer rund 3 Mönet vorlaufziit zum braue. Aber frög mal a, vilicht hämmer grad no es Fässli a Lager.
Vo de Idee bis zur Umsetzig: Wie eusi Bar entstande isch, erfahrsch i eusere Broschüre: